Qazaqstan ulttyq quramasy 10-15 qyrkúıek aralyǵynda Fransıanyń Lıon qalasynda ótetin 47-shi halyqaralyq WorldSkills chempıonatyna qatysady.
WorldSkills chempıonaty jumysshy mamandyqtarynyń bedelin arttyrýǵa jáne jastar arasynda kásibı daǵdylardy damytýǵa baǵyttalǵan. Bıylǵy jyly Halyqaralyq chempıonatqa 65-ten astam el men aımaqtan 1500 stýdent qatysady dep kútilýde, olar 62 quzyrettilik boıynsha saıysqa túsedi. Qazaqstan quramasyna 32 qatysýshy, 30 sarapshy, sondaı-aq resmı jáne tehnıkalyq delegattar endi.
Oqý-aǵartý birinshi vıse-mınıstri Natalá Jumadildaeva qazaqstandyq quramamen - 2023 jyly WorldSkills Kazakhstan respýblıkalyq kásibı sheberlik chempıonatynda jeńiske jetken qatysýshylarmen kezdesip, olarǵa sát sapar tiledi.
«Memleket basshysy 2025 jyldy Jumysshy mamandyqtar jyly dep jarıalady. Bıylǵy jyly qoǵamda eńbekqorlyq pen kásipqoılyq qundylyqtaryn ilgeriletýge erekshe nazar aýdarylatyn bolady. WorldSkills halyqaralyq chempıonattaryna qatysý jumysshy mamandyqtarynyń bedelin arttyrýǵa, oqý prosesine zamanaýı quraldardy engizýge jáne jańa quzyretterdi damytýǵa yqpal etedi. Bul óz kezeginde eldiń ekonomıkalyq ósýine jáne onyń básekege qabilettiligin arttyrýǵa septigin tıgizedi», — dep atap ótti Oqý-aǵartý birinshi vıse-mınıstri Natalá Jumadildaeva.
Aıta keteıik, 2023 jyly Qazaqstan quramasy alǵash ret Gdanskidegi Euroskills chempıonatynda 2 medal jáne 4 medalón jeńip alǵan bolatyn.