Qazaqstan óz ulttyq múddesin qorǵaýǵa baǵyttalǵan teńgerimdi jáne konstrýktıvti syrtqy saıasatyn júzege asyrýdy jalǵastyrady. Bul týraly QR Prezıdenti Qasym-Jomart Toqaev saltanatty ulyqtaý rásiminde aıtty, dep habarlaıdy almaty-akshamy.kz QazAqparatqa silteme jasap.
«Qazaqstan óz ulttyq múddesin qorǵaýǵa baǵyttalǵan teńgerimdi jáne konstrýktıvti syrtqy saıasatyn júzege asyrýdy jalǵastyrady. Reseımen, Qytaımen jáne Ortalyq Azıadaǵy baýyrlas memlekettermen, ıntegrasıalyq birlestikter jónindegi seriktestermen aradaǵy ózara tıimdi yntymaqtastyq pen strategıalyq áriptestik máseleleri basty nazarda bolady», - dedi Qasym-Jomart Toqaev.
QR Prezıdenti basqa memlekettermen de elimiz kópjaqty yntymaqtastyqty damytatyndyǵyn basa aıtty.
«AQSH-pen, Eýropalyq Odaqpen, Azıa, Taıaý Shyǵys jáne Kavkaz memleketterimen, sondaı-aq basqa múddeli elderdiń barlyǵymen kópjaqty yntymaqtastyqty damytý úshin bar kúsh-jigerimizdi jumsaımyz. Qazaqstan qazirgi halyqaralyq quqyq pen BUU Jarǵysyn berik ustanatyn el bolyp qala beredi», - dedi Memleket basshysy.