Memleket basshysy Úkimetke joıqyn jer silkinisi saldarynan zardap shekken Túrkıa Respýblıkasyna shuǵyl kómek retinde 1 mıllıon dollar bólýdi tapsyrdy, dep habarlaıdy Almaty-akshamy.kz Aqordanyń baspasóz qyzmetine silteme jasap.
Sonymen qatar Qazaqstannyń ókiletti organdary túrik tarapymen birlesip, zilzalanyń zardabyn joıý úshin qosymsha kómek kórsetý máselesin qarastyryp jatyr.
Aıta ketsek, Qazaqstan Tótenshe jaǵdaılar mınıstrliginiń qutqarýshylary jer silkinisi saldaryn joıýǵa kómek kórsetý úshin Almatydan Túrkıaǵa attandy.
Onyń quramynda Qazaqstannyń respýblıkalyq jedel qutqarý jasaǵynyń qutqarýshylary, medısınalyq qyzmetkerler jáne qutqarýshy ıtter bar.
Tıisti tapsyrmany Qazaqstan Prezıdenti Qasym-Jomart Toqaev berdi.
Túrkıa Prezıdenti Rejep Taıyp Erdoǵan eldiń ońtústik-shyǵysynda bolǵan joıqyn jer silkinisine baılanysty 12 aqpanǵa deıin jeti kúndik ulttyq aza tutý jarıalady.
Sońǵy málimet boıynsha Túrkıadaǵy eki joıqyn jer silkinisinen qaza tapqandar sany 5834-ke jetti, 34 810 adam jaraqat aldy.