Bul týraly elimizdiń Densaýlyq saqtaý mınıstri málimdedi, dep habarlaıdy Almaty-akshamy.kz Qazaqtv.com silteme jasap.
Ajar Ǵınıat epıdemıologıalyq kórsetkishterdiń aıtarlyqtaı jaqsarýyna respýblıkada týberkýlezdi anyqtaýdyń, dıagnostıkalaýdyń, emdeýdiń jáne jańa álemdik ádistemelerin engizýdiń, týberkýlezge qarsy preparattarmen ortalyqtandyrylǵan qamtamasyz etýdiń arqasynda qol jetkizildi, dedi.
«Elimizde týberkýlezben aýyratyn naýqastardy emdeýdiń tıimdiligi álemdegi eń joǵary kórsetkishterdiń biri bolyp tabylady jáne 2021 jyly sezimtal týberkýlezben aýyratyn naýqastardyń arasynda 85,9%-dy, DDU standartynda – 85%-dy jáne dárilik turaqtylyqta - 80,2% - dy, DDU standartynda - 75%-dy qurady», - dedi QR Densaýlyq saqtaý mınıstri Ajar Ǵınıat.
Jalpy, sońǵy 20 jylda Qazaqstanda týberkýlezben syrqattanýshylyq kórsetkishi 4 eseden astamǵa, ólim-jitim 15,5 esege tómendegen. Dúnıejúzilik densaýlyq saqtaý uıymynyń baǵalaýy boıynsha, álemde jyl saıyn 10 mln-ǵa jýyq adam týberkýlezben aýyryp, 1,5 mln adam qaıtys bolady.