Túrki memleketteri uıymynyń (TMU) 11-shi samıti qarsańynda Qazaqstan Respýblıkasy Premer-Mınıstriniń orynbasary – Syrtqy ister mınıstri Murat Nurtileý TMU Syrtqy ister mınıstrleri keńesiniń otyrysyna qatysty.
SİM basshysy óz sózinde Qazaqstannyń «TURK TIME!» uranymen ótken TMU-daǵy tóraǵalyǵynyń nátıjelerin qorytyndylady, onyń aıasynda 80-nen astam is-shara ótkizildi, dep habarlaıdy aqshamnews.kz.
Ol sondaı-aq Uıymnyń halyqaralyq arenadaǵy ósip kele jatqan jáne biriktiretin rólin atap ótti.
QR Syrtqy ister mınıstri TMU-ǵa múshe elderdiń saýda, ınvestısıalar, kólik jáne aýyl sharýashylyǵy salalaryndaǵy jetistikterin erekshe atap, Uıym sheńberindegi ózara tıimdi yntymaqtastyqtyń perspektıvalyq baǵyttaryn belgiledi.
Otyrys barysynda TMU Samıtine daıyndyq barysy talqylandy, sondaı-aq osy is-shara sheńberinde qol qoıýǵa josparlanǵan qujattardyń jobalary bekitildi.
Túrki memleketteri uıymy (TMU) Qazaqstannyń bastamasymen 2009 jyly Nahchyvan qalasynda (Ázerbaıjan) quryldy. TMU Hatshylyǵy Ystanbul qalasynda (Túrkıa) ornalasqan. Qazirgi ýaqytta Uıymǵa Ázerbaıjan, Qazaqstan, Qyrǵyzstan, Túrkıa jáne Ózbekstan múshe. Majarstan men Túrikmenstan baıqaýshy mártebesine ıe.