Qazaqstan TMD-daǵy eń beıbitsúıgish memleket atandy, - dep habarlaıdy Aqshamnews.kz tilshisi Ranking.kz-ke silteme jasap.
Global Peace Index baıandamasynyń málimetinshe, beıbitsúıgish elder reıtıńinde Qazaqstan 163 eldiń ishinde 56-orynǵa jaıǵasty.
Baıandama avtorlarynyń nusqasy boıynsha, bir jyl ishinde reıtıńte bes satyǵa kóterilgen Qazaqstan – TMD-daǵy eń beıbit el. Qazaqstanǵa eń jaqyn ornalasqandar - Armenıa (58-oryn), Moldova men Ózbekstan (tıisinshe 66 jáne 67-oryn).
Álemdegi eń beıbitsúıgish elder dep Islandıa (1-oryn), Irlandıa jáne Jańa Zelandıa (3-oryn) tanyldy. Al 161-orynǵa Sýdan qoıylǵan, onyń artynda Ýkraına, reıtıńti Reseı qorytyndylaıdy.
Bıyl jeti aıda Qazaqstanda memlekettik basqarý, qorǵanys jáne mindetti áleýmettik qamsyzdandyrý salalaryndaǵy negizgi kapıtalǵa salynǵan ınvestısıalar byltyrǵy sáıkes kezeńimen salystyrǵanda 59 paıyzǵa ósip, 82 mlrd teńgeden asty.
Qańtar-maýsym aılarynda Qazaqstannyń qorǵanys shyǵyndary shamamen 467 mlrd teńge boldy. Byltyrdyń birinshi jartysynda bul kórsetkish 451 mlrd teńgeden az bolǵan edi. Alaıda dollarmen eseptegende qorǵanys shyǵyndary 8,5 paıyzǵa azaıǵanyn analıtıkter atap ótti.