Qazaqstan quramasynyń 27 jastaǵy tájirıbeli jartylaı qorǵaýshysy Ramazan Orazov resmı túrde «Elimaı» klýbynyń oıynshysy atandy, - dep habarlaıdy Aqshamnews.kz.
Ramazan jańa maýsymǵa arnalǵan kelisimshartqa qol qoıdy. Ol ótken maýsymda Danıanyń «Sılkeborg» klýbynyń quramynda oınaǵan edi. Maýsymnyń ekinshi jartysynda «Elimaıǵa» jalǵa berildi. Semeılik klýbta fýtbolshy 820 mınýt alańda bolyp, 2 gol, 2 nátıjeli pasymen kózge tústi.
- Turaqty ári nátıjeli oıyn órnegin kórsetken oıynshy jankúıerlerdiń senimine ıe boldy. Nátıjesinde klýb jazǵy transferlik kezeńde fýtbolshynyń kelisimshartyn tolyqtaı satyp aldy, - dep jazylǵan habarlamada.
Ramazan Orazov 1998 jyly Almaty qalasynda dúnıege kelgen. 2018 jyldan beri qazaqstandyq «Qaırat», «Aqtóbe», «Aqsý», «Tobyl», Latvıanyń «Daýgavpıls», Reseıdiń «Chaıka», Slovenıanyń «Koper» klýbtarynda oınady. 2024 jyldan beri Danıanyń «Sılkeborg» klýbynyń namysyn qorǵady.
2021 jyldan beri Qazaqstan ulttyq quramasy sapyna 37 kezdesýde 1 gol soǵyp úlgerdi.
«Elimaı» klýby bıyl Qazaqstan Premer-lıgasynda 48 upaımen tórtinshi orynǵa taban tiredi. Aldaǵy jyly UEFA Konferensıa lıgasynda baq synaıdy.