Qazaqstan TJM mamandary Belarýsıada bilim aldy
Qazaqstan azamattyq qorǵaý organdarynyń 5 qyzmetkeri Belarýs Respýblıkasy TJM Azamattyq qorǵaý ýnıversıtetin bitirdi, dep habarlady Almaty-akshamy.kz QR TJM baspasóz qyzmetiniń habaryna silteme jasap.
24 maýsymda Qazaqstan Respýblıkasynyń Tótenshe jaǵdaılar vıse-mınıstri Mereke Pishembaev Belarýs Respýblıkasy TJM Azamattyq qorǵaý ýnıversıtetiniń kýrsanttaryn shyǵaryp salý rásimine qatysty. İs-shara Mınsk qalasynda ótti.
Bıyl Belarýs Respýblıkasy TJM Azamattyq qorǵaý ýnıversıtetin Qazaqstan azamattyq qorǵaý organdarynyń 5 qyzmetkeri «TJ-nyń aldyn alý jáne olardy joıý» mamandyǵy boıynsha bitirdi.
İs-shara joǵary oqý orynnyń plasynda Belarýs Tótenshe jaǵdaılar mınıstri, ishki qyzmet general-maıory Vadım Sınávskııdiń basshylyǵymen ótti.
Jıynǵa TJ mınıstriniń orynbasarlary, TJM ortalyq apparaty men aýmaqtyq basqarmalardyń basshylary, shetel delegasıasy ókilderi qatysty.
İs-shara barasynda oqý oryn basshylarymen kezdesý ótkizildi. Shara barysynda qazaqstandyq qyzmetkerlerdiń joǵary daıarlyǵy atap ótildi. Qazaqstandyq mamandarǵa beriletin kvotany kóbeıtý máselesi de qozǵaldy.
Jyl saıyn elimizdiń azamattaryna Qazaqstan men Belarýs arasyndaǵy úkimetaralyq kelisim negizinde Azamattyq qorǵaý ýnıversıtetine oqýǵa joldama beriledi.
