"Samuryq-Qazyna" qory basqarmasynyń tóraǵasy Nurlan Jaqypov temirjolshylar ujymyna ulttyq kompanıanyń jańa jetekshisin tanystyrdy. "Qazaqstan temir joly" ulttyq kompanıasy basqarma tóraǵasy bolyp Talǵat Aldybergenov taǵaıyndaldy, - dep habarlaıdy aqshamnews.kz.
Buǵan deıin ol osy kompanıada tóraǵa orynbasary qyzmetin atqarǵan.
Jańa basshy týraly ne belgili?
Talǵat Aldybergenov – temirjol salasynda 35 jyldan astam eńbek ótili bar tájirıbeli maman. Almaty temirjol ınjenerleri ınstıtýtyn úzdik bitirgen. Sonymen qatar, Reseı Prezıdenti janyndaǵy halyq sharýashylyǵy jáne memlekettik qyzmet akademıasynda ekonomıka magıstri jáne ekonomıka ǵylymdarynyń kandıdaty ǵylymı dárejesin alǵan.
Ol eńbek jolyn qarapaıym jumysshy retinde bastap, túrli basshylyq qyzmetterdi atqarǵan. 1990-jyldardan bastap Batys Qazaqstan temir jolynda túrli qyzmetterde bolǵan. Keıin "QTJ" quramyndaǵy Aqtóbe fılıalyn basqardy, sondaı-aq kólik logıstıkasy men tasymaldaý salasyna qatysty birqatar uıymdardy basqarǵan.
2008–2019 jyldary birneshe iri kompanıalardyń, onyń ishinde "Kedentransservıs" pen "Kazakhmys Maker" seriktestikteriniń basshysy boldy. Al 2024 jyldan beri "Qazaqstan temir joly" ulttyq kompanıasy basqarma tóraǵasynyń orynbasary laýazymyn atqaryp kelgen.