Memleket basshysy premer-mınıstr Oljas Bektenovti qabyldady, - dep habarlaıdy aqshamnews.kz.
Qasym-Jomart Toqaevqa elimizde ornyqty áleýmettik-ekonomıkalyq damýdy qamtamasyz etýge baǵyttalǵan ekonomıkany ártaraptandyrý jáne qurylymdyq jańǵyrtý boıynsha qabyldanyp jatqan sharalar týraly esep berildi.
Prezıdent tapsyrmalaryn júzege asyrý aıasynda jalpy ınvestısıa kólemi 2,3 trıllıon teńgeden asatyn ári shamamen 20 myń jumys ornyn qurýdy kózdeıtin 45 iri ónerkásiptik joba iske asyrylyp jatyr.
Premer-mınıstr Qaýipsizdik Keńesiniń otyrysynda kólik salasyn damytýǵa qatysty Memleket basshysy júktegen mindetterdi oryndaý boıynsha qolǵa alynǵan jumystar jóninde baıandady.
Prezıdentke vegetasıalyq kezeń týraly málimet usynyldy. Egistikti sý resýrstarymen qamtamasyz etý, aýyl sharýashylyǵy máseleleri turaqty baqylaýǵa alynyp, sý únemdeý tehnologıalary engizilýde. Óńirlik shtabtar jumys istep jatyr.
Memleket basshysyna egis naýqanynyń aıaqtalýy jáne jıyn-terim jumystaryna daıyndyq barysy jóninde aıtyldy. Elimizdegi jalpy egis alqaby 23,7 mıllıon gektardy qurady. Sharýalarǵa tolyq kólemde qoldaý kórsetilýde. Jyl basynan beri aýyl, orman jáne balyq sharýashylyǵyndaǵy ónimder men qyzmetterdiń jalpy kólemi 4 paıyzǵa ósti. Barlyq óńirde oń dınamıka tirkeldi.
Sonymen qatar, energetıkalyq jáne komýnaldyq ınfraqurylymdy jańǵyrtý, sıfrlyq transformasıalaý jóninde aqparat berildi.
Kezdesý sońynda Qasym-Jomart Toqaev ekonomıkada ınstıtýsıonaldyq ózgerister jasaýǵa, óńirlerdi damytýǵa jáne ınvestısıa tartýǵa qatysty birqatar tapsyrma berdi.