Qasym-Jomart Toqaevtyń el tizginin qolyna alǵanyna - alty jyl.
Osy aralyqta Qazaqstan koronavırýs pandemıasynan bastap jahandyq geosaıası shıelenisterge deıingi syn-qaterge qaramastan, ekonomıkalyq damýda eleýli nátıjelerge jetti, dep habarlaıdy aqshamnews.kz 24.kz-ke silteme jasap.
Byltyr ǵana JİÓ 288 mıllıard dollardy qurady. Osylaısha, Qazaqstan tabysy joǵary memleketter tobyna jaqyndady. Búginde Memleket basshysy munaıdan tys salalardy damytýǵa basymdyq berip otyr.
Ekonomıkany ártaraptandyrý da kezek kúttirmeıtin mańyzdy mindet ekenin alǵa tartty. Keıingi 5 jylda óńdeý ónerkásibinde óndiris kólemi 31,4%-ke, qurylysta 96,3%-ke ósti. Jalpy ónerkásip qurylymynda óńdeýshi kásiporyndar óz úlesi boıynsha óndirýshi sektormen teńesti. Byltyrdyń ózinde óńdeý ónerkásibinde jalpy quny 1,3 trıllıon teńge bolatyn 180 ınvestısıalyq joba iske asyryldy.