Qazaqstan joıqyn jer silkinisterinen zardap shekken Sırıaǵa 50 tonna gýmanıtarlyq kómek jiberedi dep habarlaıdy Almaty-akshamy.kz. Stan.kz aqparat agenttigine silteme jasap.
9 aqpan beısenbide premer-mınıstrdiń birinshi orynbasary Roman Sklárdyń tóraǵalyǵymen ótken Halyqaralyq gýmanıtarlyq kómek máseleleri jónindegi komısıanyń otyrysynda Sırıaǵa kómek berý týraly sheshim qabyldandy.
«Memlekettik materıaldyq rezervten konserviler, jyly kıim, qysqy shatyrlar, kereýetter men tósek-oryn jabdyqtary bólinedi. Ol Islam yntymaqtastyǵy uıymynyń jelisi boıynsha Aleppo qalasyna tórt áýe reısimen jiberiledi», – delingen habarlamada.
Úkimet basshysynyń baspasóz qyzmeti Sırıaǵa gýmanıtarlyq kómek kórsetý týraly tapsyrmany Qazaqstan prezıdenti Qasym-Jomart Toqaev bergenin atap ótti.
Osyǵan deıin Sırıaǵa gýmanıtarlyq kómek beriletini habarlandy.