Qazaqstan óz aýmaǵyn sanksıalardy aınalyp ótetin aımaq ertinde paıdalanýǵa ruqsat bermeıdi. QR Syrtqy ister vıse-mınıstri Roman Vasılenko Májilis kýlýarynda osyndaı pikir bildirdi, dep habarlaıdy almaty-akshamy.kz QazAqparatqa silteme jasap.
«Ózbekstan-Qazaqstan-Reseı arasynda úshtik gaz odaǵyn qurý týraly usynys Reseıge salynǵan sanksıalardy aınalyp ótetin qural bolmaı ma? Onyń Qazaqstanǵa saldary qandaı bolady?» dep surady BAQ ókili.
Vıse-mınsıtr bul usynys áli ıdeıa ǵana ekenin eskertti.
«Qazaqstannyń ustanymy áýel bastan aýmaǵymyz sanksıalardy qandaı da bir jolmen aınalyp ótý aımaǵyna aınalmaǵan jáne aınalmaıdy da degenge saıady. Siz aıtyp otyrǵan másele týraly aıtsaq, onyń mazmunyn talqylaýǵa áli erte. Óıtkeni bul ázirshe áldebir ıdeıa ǵana. Biraq Qazaqstannyń prınsıpıaldy ustanymy bar. Qazaqstan óz aýmaǵyn sanksıalardy aınalyp ótetin aımaq retinde paıdalanýǵa ruqsat bermeıdi. Sonymen birge biz sanksıany halyqaralyq problemalardy sheshýdiń tásili retinde paıdalanýdy qoldamaımyz», - dedi Roman Vasılenko.