2024 jyldyń 7-10 qazan kúnderi Ashhabad qalasynda ótetin Qazaqstan Respýblıkasynyń Túrikmenstandaǵy mádenıet kúnderi aıasynda birqatar is-sharalar uıymdastyrylady, dep habarlaıdy aqshamnews.kz.
Ashhabad turǵyndary men qonaqtary osy kúnderi qazaq kınematografıasymen, mýzyka óneri jáne ulttyq dástúrlerimen tereń tanysa alady.
Qazaqstan kınosy kúnderiniń ashylýy rejıser A. Sataevtyń qazaq handary týraly syr shertetin «Uly dala tańy» atty tarıhı týyndysymen bastalady. Sonymen qatar, túrikmen jurtshylyǵyna «Paralımpıadashy» fılmi de jol tartady.
Túrikmenstan memlekettik mádenı ortalyǵynyń Mýkamov saraıynda Qurmanǵazy atyndaǵy Qazaq ulttyq halyq aspaptar orkestriniń «Saryarqa» atty gastróldik konserti ótedi.
«Túrikmenstan» kınokonsert zalynda Roza Baǵlanova atyndaǵy «Qazaqkonsert» memlekettik akademıalyq konserttik uıymynyń «Saz&Soul: Shekarasyz áýender» atty gastróldik konserti uıymdastyrylady.
Negizgi is-shara 9-shy qazan kúni saǵat 19:00-de Túrikmenstan memlekettik mádenı ortalyǵynyń Mýkamov saraıynda josparlanǵan. Bul kúni eki el Mınıstrleriniń qatysýymen Qazaqstan Respýblıkasynyń Túrikmenstandaǵy mádenıet kúnderiniń jabylý saltanaty aıasynda qazaqstandyq óner maıtalmandarynyń qatysýymen Gala-konsert ótedi. Atalǵan konsertte Qazaqstannyń halyq ártisi Ramazan Stamǵazıev, Qazaqstannyń eńbek sińirgen qaıratkeri Álisher Kárimov, «Daryn» memlekettik jastar syılyǵynyń laýreattary: Rasýl Jarmaǵambetov, Abylaı Tilepbergen, Tańat Sádenov jáne basqalary óner kórsetedi.
Uly aqyn Abaı Qunanbaev eskertkishiniń saltanatty ashylý rásimi 10 qazanda Ashhabad qalasyndaǵy «Lachyn» saıabaǵynda ótedi.
Atalǵan sharaǵa jergilikti zıaly qaýym, ǵalymdar, jazýshylar, dıplomatıalyq korpýs, shyǵarmashylyq odaqtar, qazaq dıasporasynyń ókilderi qatysady.
Aıta keteıik, Qazaqstan Respýblıkasy Mádenıet jáne aqparat mınıstrligi men Túrikmenstan Mádenıet mınıstrliginiń birigip uıymdastyrýymen Qazaqstan Respýblıkasyndaǵy Túrikmenstannyń mádenıet kúnderi 2024 jyly maýsym aıynda Astana qalasynda ótken bolatyn.