Jas boıynsha eń joǵary kúnkóris deńgeıi 14-17 jas aralyǵyndaǵy jasóspirim uldarǵa tıesili. Olarmen qurdas qyzdardyń úlesi 30%-ǵa tómen.
Aǵymdaǵy jyldyń qańtar aıynda eń tómengi kúnkóris deńgeıi 38,2 myń teńgeni qurady, bul bir jyl burynǵy kórsetkishten 12,7 paıyzǵa artyq, dep habarlaıdy Almaty-akshamy.kz Finprom.kz saıtyna silteme jasap.
2018 jylmen salystyrǵanda, eń tómengi kúnkóris deńgeıi 47,4%-ǵa, 2013 jyldan bastap eseptegende, 2,2 esege ósti.
Anyqtama úshin: 2021 jyldyń qańtarynda kúnkóris mınımýmy jylyna 12,7%-ǵa ósip, 33,9 myń teńgeni qurady.
Óńirlik turǵyda eń joǵary kúnkóris deńgeıi dástúrli túrde Mańǵystaý oblysynda saqtalǵan: 41,9 myń teńge – bul bir jyl burynǵydan 7,8%-ǵa artyq. Odan keıingi orynda elorda (41,2 myń teńge) jáne Almaty (39,9 myń teńge) keledi. Sonymen qatar úzdik bestikke Almaty (39,5 myń teńge) jáne Aqmola (38,6 myń teńge) oblystary da kiredi.
Eń tómengi kúnkóris deńgeıi Aqtóbe men Batys Qazaqstan oblystarynda, sondaı-aq Shymkentte tirkeldi.
Erlerge tıesili eń tómengi kúnkóris deńgeıi barlyq jas sanatyndaǵy áıelderdiń eń tómengi kúnkóris deńgeıinen aıtarlyqtaı joǵary.
Bul rette erler arasynda eń joǵary kórsetkish 14-17 jas aralyǵyndaǵy uldarda (48,2 myń teńge), eń tómengi kórsetkish alty aıdan bir jasqa deıingi sábı uldarda (25,1 myń teńge) baıqalady.
Dál osy jas mólsherindegi áıelderdiń eń tómengi kúnkóris deńgeıi 14-17 jas aralyǵyndaǵy qyzdar úshin nebári 36,9 myń teńge bolsa, alty aıdan bir jasqa deıingi sábıler úshin 23,6 myń teńgeni quraıdy.
