Májilis Qazaqstan men Reseı arasyndaǵy kelisimdi ratıfıkasıalaý týraly zań jobasyn qaraýdy bastady. Bul kelisimge sáıkes, Kókshetaý, Semeı jáne Óskemen qalalarynda jańa kómirmen jumys isteıtin biriktirilgen jylý elektr stansıalaryn (JEO) salý josparlanǵan, dep habarlaıdy aqshamnews.kz.
Depýtat Edil Jańbyrshınniń aıtýynsha, kelisim eki eldiń JEO jobalaýda, jabdyqtardy jetkizýde, qurylys júrgizýde jáne jańa stansıalardy iske qosýda birge jumys isteýin kózdeıdi.
«Kelisimde jeńildetilgen qarjylandyrý mehanızmi anyqtalady. Joba Qazaqstanǵa Reseıdiń memlekettik eksporttyq nesıesin usynýdy qarastyrady», — dedi Jańbyrshın plenarlyq otyrys barysynda.
Zań jobasy ekologıa jáne tabıǵat paıdalaný máseleleri jónindegi komıtetke joldandy. Komıtet óz qorytyndysyn daıyndaıtyn bolady. Depýtattar bul zań jobasyn qabyldaýdy qoldady.