Nysana kózdeýden aralas juptyq synda Parıj Olımpıadasynyń qola júldegeri Aleksandra Le Shymkent qalasynda ótip jatqan týrnırde el rekordyn tirkedi, dep habarlaıdy aqshamnews.kz.
Ulttyq qurama mergeni 10 metrden vıntovkamen oq atýda 633.5 upaı jınady. Osy tusta Sasha bıyl osyǵan jaqyn upaıdy Múnhendegi Álem Kýbogynyń sheshýshi kezeńinde jınaǵanyn aıta keteıin (632 bal). Al osyǵan deıingi úzdik kórsetkish Elızaveta Bezrýkovaǵa tıesili bolǵan (632.7 upaı). Bezrýkova bul nátıjeni bıyl naýryzda Shymkentte ótken jasóspirimder arasyndaǵy Qazaqstan chempıonatynda kórsetken.