Qazaqstannyń Saýda jáne ıntegrasıa mınıstri Arman Shaqqalıev pen Qytaıdyń Komersıa mınıstri Van Ventao eki el arasyndaǵy saýda aınalymyn 2030 jylǵa qaraı eki esege ulǵaıtýdy talqylady, dep habarlaıdy aqshamnews.kz
2024 jyly taýar aınalymy $43,8 mlrd boldy (+9,2%), al 2025 jyldyń qańtar–maýsym aılarynda $21,8 mlrd-qa jetti.
Qazaqstan Qytaıǵa óz taýarlaryna ımporttyq baj salyǵyn tómendetýdi jáne qytaılyq ınvestısıa arqyly shıkizatty tereń óńdeý jobalaryn iske qosýdy usyndy. Sondaı-aq kedendik rásimderdi sıfrlandyrý, elektrondy saýdany damytý jáne qazaqstandyq taýarlardy qytaılyq onlaın-platformalarda keńinen usyný máseleleri qaraldy.
Taraptar aımaqtyq yntymaqtastyqty da nazarǵa aldy. 2024 jyldan beri Qytaıdyń negizgi provınsıalaryna 6 saýda mısıasy uıymdastyryldy. Qytaı bul qadamdy qoldap, óz kompanıalarynyń Qazaqstandaǵy saýda jáne ınvestısıalyq jobalarǵa qatysýǵa daıyn ekenin jetkizdi.