Almaty stansıasyn aınalyp ótetin Jetigen – Qazybek Bek aınalma temirjol jelisin salýdy josparlap otyr.
Ortalyq komýnıkasıalar qyzmetinde kólik-tranzıt áleýetin damytý taqyrybynda jıyn ótti. Onda temirjol jelilerin jetildirý joldary aıtyldy, dep jazady Almaty-akshamy.kz Inbusiness.kz silteme jasap.
«Qazaqstan temir joly» kompanıasy basqarma tóraǵasynyń orynbasary Qanat Álmaǵambetovtiń aıtýy boıynsha, «Dostyq-Moıynty» temirjol dálizin jańǵyrtý jobasy «Qýatty óńirler – el damýynyń draıveri» ulttyq jobasyna engizildi. Ony iske asyrý júkterdi tasymaldaý jyldamdyǵyn jáne Qytaı – Eýropa – Qytaı tranzıttik dálizi boıynsha temirjol ınfraqurylymynyń ótkizý qabiletin bes esege arttyrady.
Budan basqa, kompanıa Darbaza-Maqtaaral temirjol jelisi men Almaty stansıasyn aınalyp ótetin Jetigen – Qazybek Bek aınalma temirjol jelisin salýdy josparlap otyr.
«Darbaza-Maqtaaral jelisi Saryaǵash memleketaralyq túıisý pýnkti men Tashkent torabynda ınfraqurylymdyq shekteýlerdi «kesteleýge» múmkindik beredi. Jetigen-Qazybek Bek aınalma joly júk aǵynyn qaıta baǵdarlaý esebinen Almaty torabynyń júktemesin kemitýdi qamtamasyz etedi jáne júkterdi jetkizý ýaqytyn qysqartady», - deıdi Álmaǵambetov.