Esterińizge sala ketsek, Qyrǵyzstan komandasynyń kókparshylary marapattaý rásimi kezinde ekinshi orynǵa berilgen medaldi sheship tastap, jeńgen Qazaqstan komandasynyń gımnin tyńdamaı ketip qalǵan bolatyn.
Qazaqstannyń kókpar Federasıasy Qyrǵyzstanmen revansh machyn ótkizýden bas tartý sebebin túsindirdi, dep habarlaıdy aqshamnews.kz
Federasıa kókpardan ótken Besinshi Dúnıejúzilik kóshpendiler oıyndarynyń nátıjelerine qatysty pikir bildirip, Qazaqstan men Qyrǵyzstan komandalary arasyndaǵy fınaldyq mach kezinde týyndaǵan daýlarǵa toqtaldy. Federasıa ókinishpen, oıynnan góri "týyndaǵan túsinispeýshilikter" kópshilik nazaryn aýdarǵanyn aıtty.
"Birinshiden, ereje buzǵan qazaqstandyq sportshy jazalanyp, eki mınýtqa aıyp alańyna jiberildi. Ekinshiden, qyrǵyz delegasıasynan tóreshilerge resmı narazylyq túspedi. Qazaqstannyń kókpar Federasıasy barlyq daýlar sporttyq etıka aıasynda sheshilýi kerek ekenin atap kórsetedi. Sondaı-aq, biz áleýmettik jelilerde qazaqstandyq sportshylarǵa qatysty aıtylǵan jaǵymsyz pikirler men qorlaýdy aıyptaımyz",-dep atap ótti Federasıa ókilderi.