Qurylys obektilerin onlaın-formatta modeldeýge bolady.
Qazaqstan Úkimeti qurylys sektoryna IT-sheshimder engizýdi kózdep otyr, dep habarlaıdy Almaty-akshamy.kz.
«Aqparattyq modelderdiń memlekettik banki qurylys nysanyndaǵy úrdisterdi basqarý úshin biryńǵaı sıfrlyq alańǵa aınalady. Atap aıtqanda, atalǵan júıe aqparattyq modeldeý tehnologıalaryn qoldana otyryp, qurylys obektilerin onlaın-formatta modeldeýge múmkindik beredi»,- delingen Indýstrıa jáne ınfraqurymdylyq damý mınıstrliginiń baspasóz qyzmetiniń habarlamasynda.
Osylaısha, memlekettik bank platformasynda tapsyrys berýshiler qurylys jobasynyń basqa qatysýshylarymen ózara baılanys ornata otyryp, qurylysqa daıyndyq úshin qajet satylardan onlaın rejımde óte alady.
Aıta keterligi, aqparattyq modelder bankin «E-Qurylys» jáne «E-SHańyraq» platformalarymen ıntegrasıalaý josparlanyp otyr. Esterińizge sala keteıik, «E-Qurylys» júıesi qurylys prosesterin barlyq kezeńderde onlaın-rejımde baqylaýǵa múmkindik beredi. Al, «E-SHańyraq» platformasy turǵyn úı qoryn basqarýdyń ashyqtyǵyn qamtamasyz etip, qurylys salasynda monıtorıń pen taldaý jasaıtyn sýbektilerdiń biryńǵaı júıesi bolyp tabylady.
Kózdelip otyrǵan jańa IT-sheshim qurylys jumystaryn jobalaý barysynda elektrondyq qujat aınalymyna kóshýge múmkindik beredi. Sáıkesinshe, jobalyq-smetalyq qujattamany ázirleý prosesinde barynsha ashyqtyqty qamtamasyz etedi.
Búgingi tańda memlekettik bank saraptamalyq qyzmet úshin ıntegrasıalyq servıster men júıeniń jańa modýlderin ázirleýdiń belsendi kezeńinde. Jobaǵa qatysýshylar salalyq bıznes-prosesterdi, sonymen birge tehnıkalyq talaptardy daıyndaý úshin derekterdiń qurylymyn taldaý jumystaryna jumyldyrylǵan.