Voleıboldy otyryp oınaýdan Qazaqstan quramasy Mysyrdan 1:3 esebimen jeńildi, dep habarlaıdy aqshamnews.kz
Paralımpıada komıtetiniń málimetinshe, birinshi sette Qazaqstan 21:25 esebimen jeńildi, ekinshi sette 23:25 esebimen qarsylastyń paıdasyna aıaqtaldy.
Úshinshi sette Qazaqstan quramasy 25:16 esebimen jeńiske jetti. Alaıda tórtinshi sette Qazaqstan 18:25 esebimen utylyp, mach nátıjesinde 1:3 esebimen Mysyrǵa ese jiberdi.
Aıta keteıik, Paralımpıada oıyndarynda segiz komanda qatysyp, olar A jáne V toptaryna bólingen. Ár toptan jartylaı fınalǵa úzdik eki komanda shyǵady.
Buǵan deıin A tobynyń toptyq kezeńinde Qazaqstan quramasy Fransıany 3:2 esebimen jeńip, Bosnıa jáne Gersegovına komandasyna 3:1 esebimen jeńilip qalǵan bolatyn. Bosnıa jáne Gersegovına quramasy Egıpetti jeńip, jartylaı fınalǵa shyǵýǵa múmkindik aldy. Al Mysyr quramasy Fransıa men Qazaqstandy jeńip, A tobynan jartylaı fınalǵa shyqty.
V tobynda Iran quramasy Brazılıa men Ýkraınany jeńip, jartylaı fınalǵa joldama aldy, al Germanıa quramasy Ýkraına men Brazılıadan basym túsip, jartylaı fınalǵa shyǵý múmkindigin nyǵaıtty.
Endi qurama komanda Paralımpıada oıyndarynyń besinshi orny úshin talasty jalǵastyrady.