Elordada kýbık jınaýdan ótken Azıa chempıonaty máresine jetti.
Jalpy komandalyq esepte 13 medalmen Qazaqstan quramasy birinshi oryndy ıelendi, dep habarlaıdy Almaty-akshamy.kz «Habar 24»-ke silteme jasap.
Ekinshi oryndy Úndistan enshilese, úshtikti Qytaı túıindedi. Spıdkýbıkten Azıa chemıonatyna álemniń 13 elinen 116 azamat keldi. Olardyń ishinde Japonıa, Qytaı, Úndistan, Mońǵolıa jáne ózge de elderdiń myqtylary bar. Shapshań oıly ári epti qyz-jigitter kýbıkti 17 túrli ádispen jınaıdy. Iaǵnı kózin jumyp, toppen, juppen, jeke jınaıtyndary bar. Eń jas qatysýshy 7-de, al eń úlkeni 54 jasta. Degenmen basym bóligi - 14-25 arasyndaǵy oqýshylar men stýdentter. Jarystyń jalpy júlde qory - 9 myń dollar. Aıta keteıik, Qazaqstan - TMD elderiniń ishinde jyldamdyqqa kýbık jınaý jarysyn ótkizý mártebesin jeńip alǵan alǵashqy memleket.
«Jalpy, Qazaqstan 2017 jyldan bastap birinshi jarys ótkizdi jáne kóbisi jaqsy nátıjelerdi kórsetti. Sol kezde bizdiń rekordymyz 9 sek boldy. Qazaqstandyqtarǵa ol eń tez bolyp sanaldy. Qazir bizdiń rekordymyz 6,65 sek. Ár qatysýshy osydan asyrýǵa tyrysyp jatyr. Olar kúnine ár dısıplınadan 200-300 ret jınaıdy», - dedi jarysqa qatysýshy Álı Ahatov.