Qazaqstannyń qurama komandasy 2-12 jeltoqsan aralyǵynda Býharestte (Rýmynıa) ótetin jasóspirimder arasyndaǵy XXI halyqaralyq jaratylystaný-ǵylymı olımpıadaǵa (IJSO) qatysady.
Atalǵan bedeldi bilim berý saıysynda álemniń 60 elinen 360-tan astam oqýshy ózara bilim básekesine túsedi, dep habarlaıdy aqshamnews.kz Oqý-aǵartý mınıstrligine silteme jasap.
Qazaqstan komandasynyń quramy:
• Ádil Jıenbaev - Respýblıkalyq fızıka-matematıka mektebiniń 10-synyp oqýshysy (Almaty q.);
• Munar Saǵymbaı - Respýblıkalyq fızıka-matematıka mektebiniń 10-synyp oqýshysy (Almaty q.);
• Aızere Jeńisqanova - hımıa-bıologıalyq baǵyttaǵy Nazarbaev Zıatkerlik mektebiniń 10-synyp oqýshysy (Óskemen q.);
• Abdıjan Ibraımov - «NURORDA» mektep-lıseıiniń 9-synyp oqýshysy (Astana q.);
• Álıhan İskendir - «Bilim-ınnovasıa» daryndy balalarǵa arnalǵan oblystyq lıseı-ınternatynyń 9-synyp oqýshysy (Aqtóbe oblysy);
•Anastasıa Ponomareva - Respýblıkalyq fızıka-matematıka mektebiniń 9-synyp oqýshysy (Astana q.).
Komanda jetekshileri:
• Samat Muratbekuly Maksýtov - PhD doktory, SDU dosenti;
• Aıdos Bekzatuly Sársenbaı - Sh.Esenova atyndaǵy Kaspıı tehnologıa jáne ınjınırıń ýnıversıtetiniń stýdenti, halyqaralyq jáne respýblıkalyq olımpıadalardyń jeńimpazy;
• Muhammedalı Ǵanıuly - SDU stýdenti, halyqaralyq jáne respýblıkalyq olımpıadalardyń jeńimpazy.
Anyqtama úshin: IJSO - 2004 jyldan beri ótkizilip kele jatqan 15 jasqa deıingi oqýshylarǵa arnalǵan halyqaralyq ǵylymı jarys. Qatysýshylar fızıka, hımıa jáne bıologıa baǵyttary boıynsha bilimderin synaıdy. 2023 jyly Bangkok olımpıadasynda qazaqstandyq komandanyń barlyq alty qatysýshysy júldeger atandy. Bıylǵy jyly oqýshylar Astanada eki aptalyq oqý-jattyǵýdan ótti.