Astanadaǵy Jaqsylyq Úshkempirov atyndaǵy Jekpe-jek saraıynda ótip jatqan paradzúdodan álem chempıonatynda Qazaqstan quramasy alǵashqy altyn medalin jeńip aldy
Erekshe oqıǵa 81 kelige deıingi salmaq dárejesinde, J2 sanatyndaǵy sportshylar arasynda boldy – fınalda qos qazaqstandyq: Beksultan Qulmyrza men Ǵalymjan Smaǵululy kezdesip, tartysty beldesý 3 mınýt 11 sekýndqa sozyldy. Jarys qorytyndysynda Qulmyrza jeńiske jetti.
Aıta keterligi, bul júlde qos sportshynyń da kásibı mansabyndaǵy alǵashqysy. Mundaı "úıdegi" fınal jankúıerler úshin úlken qýanyshqa aınalyp qana qoımaı, Qazaqstandaǵy paradzúdony álemdik deńgeıde moıyndata bastaǵanynyń nyshany boldy.