Pele árqashan fýtbolǵa degen adaldyqtyń sımvoly bolyp qala beredi.
Qasym-Jomart Toqaev dańqty fýtbolshy, úsh dúrkin álem chempıony Peleniń qaıtys bolýyna baılanysty Brazılıa Prezıdenti Jaır Bolsonarýǵa kóńil aıtý jedelhatyn joldady, dep habarlaıdy Almaty-akshamy.kz Aqordanyń baspasóz qyzmetine silteme jasap.
Memleket basshysy fýtbol tarıhyndaǵy uly sportshylardyń biri retinde onyń fýtboldy búkil álemge tanytýǵa zor úles qosqanyn atap ótti.
Prezıdenttiń aıtýynsha, Pele árqashan fýtbolǵa degen adaldyqtyń sımvoly ári jankúıerlerdiń súıikti fýtbolshysy boldy jáne solaı bolyp qala beredi. Sondaı-aq ol sporttyń osy túrin eń joǵary deńgeıge kóterdi.