Prezıdent mınıstrge geologıalyq salany damytý jóninde birqatar naqty mindet júktedi.
Memleket basshysy Qasym-Jomart Toqaev Ekologıa, geologıa jáne tabıǵı resýrstar mınıstri Serikqalı Brekeshevti qabyldady, dep habarlaıdy Almaty-akshamy.kz Aqordaǵa silteme jasap.
Prezıdentke mınıstrliktiń bıylǵy birinshi toqsanda atqarǵan qyzmetiniń negizgi qorytyndylary jáne aldaǵy kezeńge arnalǵan jospary jóninde esep berildi.
Atap aıtqanda, mınıstr elimizdiń ekologıalyq ahýalyn jaqsartý úshin qabyldanyp jatqan sharalar týraly baıandady. Onyń aıtýynsha, jańa Ekologıalyq kodekstiń normalaryna sáıkes 83 iri kompanıaǵa tehnologıalyq aýdıt júrgizilgen. Bul olardyń 2025 jylǵa deıin jańa tehnologıaǵa kóshýge daıyndyǵyn baǵalaýǵa múmkindik berdi.
Qasym-Jomart Toqaevqa «Jasyl Qazaqstan» ulttyq jobasy men ekologıalyq problemalardy sheshýge baǵyttalǵan óńirlik Jol kartalarynyń júzege asyrylý barysy tanystyryldy.
Sonymen qatar Memleket basshysyna geologıalyq salanyń jaǵdaıy men Ulttyq geologıalyq qyzmetti qurý jumystary týraly baıandaldy.
Budan bólek Prezıdentke sý sharýashylyǵy ınfraqurylymynyń ahýaly, vegetasıalyq kezeńdi ótkizý, jańa Sý kodeksi, sondaı-aq orman sharýashylyǵy men janýarlar áleminiń jaı-kúıi jóninde aqparat berildi.
Kezdesý sońynda Memleket basshysy mınıstrlikke ekologıalyq máselelerdi sheshý, sý sharýashylyǵy ınfraqurylymyn jaqsartý jáne geologıalyq salany damytý jóninde birqatar naqty mindet júktedi.