Prezıdent quzyrly mekemelerge Aýǵanstandaǵy jaǵdaıdy jan-jaqty baqylaýda ustaýdy tapsyrdy.
Memleket basshysy Aýǵanstandaǵy ahýalǵa baılanysty jıyn ótkizdi, dep habarlaıdy Almaty-akshamy.kz
«Qazaqstan Prezıdenti Qasym-Jomart Toqaev Aýǵanstanda qalyptasqan jaǵdaıǵa baılanysty kesheli beri ekinshi ret jıyn ótkizdi. Jıynǵa Premer-Mınıstr Asqar Mamın, kúshtik qurylymdardyń, atap aıtqanda, Ulttyq qaýipsizdik komıteti, Syrtqy ister, Qorǵanys, İshki ister, Tótenshe jaǵdaılar mınıstrlikteri, Bas prokýratýra, Memlekettik kúzet qyzmeti basshylary men Qaýipsizdik Keńesiniń Hatshysy qatysty», -dep jazdy Prezıdenttiń baspasóz hatshysy Berik Ýálı óziniń Facebook paraqshasynda.
Bul osy elmen budan bylaıǵy yntymaqtastyq boıynsha sheshim qabyldaý úshin asa mańyzdy.
«Aýǵanstan Islam Respýblıkasyndaǵy jaǵdaıǵa baılanysty Qazaqstannyń ulttyq múddesin eskere otyryp, shuǵyl áreket etý sharalary jáne bizdiń eldiń azamattarynyń qaýipsizdigin qamtamasyz etý máseleleri talqylandy», -dep habarlady Prezıdenttiń baspasóz hatshysy.