Qasym-Jomart Toqaevtyń Almatydaǵy jumys sapary qalany abattandyrýǵa baǵyttalǵan jobalarmen tanysýdan bastaldy.
Baqytjan Saǵyntaev Memleket basshysyna qalanyń polıortalyq modelin qalyptastyrýdy kózdeıtin «Jańa Almaty» baǵdarlamasy týraly baıandady. Bul joba qala turǵyndary úshin ómir súrýge qolaıly jaǵdaı jasap, olardyń erkin demalýyna jańa qoǵamdyq keńistikter qurýǵa baǵyttalǵan, dep habarlaıdy Almaty-akshamy.kz Aqordanyń resmı saıtyna silteme jasap.
Memleket basshysy ákimniń esebin tyńdaǵannan keıin barlyq jobalar qalada qaýipsiz orta qalyptastyryp, shahardaǵy ósimdikter qoryn saqtap qalýǵa baǵyttalýy qajet ekenin atap ótti. Prezıdent qurylyp jatqan jańa saıabaqtar jergilikti turǵyndardyń demalysyna yńǵaıly bolýy kerek dep esepteıdi.
Qasym-Jomart Toqaev jalpy qalada júrgizilip jatqan jumystarǵa oń baǵa berdi. Qala basshysyna ár aýdanda turǵyndardyń demalysy men erkin júrip-turýyna qolaıly zamanaýı alańqaılar salýǵa kóńil bólýdi tapsyrdy.