Vedomstvoaralyq memorandým men bıznes kelisimsharttarǵa qol qoıylmaq
2023 jylǵy 26 sáýirde Qazaqstan Premer-Mınıstri Álıhan Smaıylovtyń Iran Islam Respýblıkasyna sapary ótedi. Bul týraly Syrtqy ister mınıstrliginiń resmı ókili Aıbek Smadıarov málim etti, dep habarlaıdy Almaty-akshamy.kz QazAqparatqa silteme jasap.
Bul sapar Iran jaǵynyń shaqyrýy negizinde uıymdastyrylmaq.
«Sapar baǵdarlamasyna sáıkes, Iran Prezıdenti Ibrahım Raısımen jáne Irannyń birinshi vıse-prezıdenti Mohammad Mohbermen kezdesýler josparlanǵan», - dedi A. Smadıarov elordada ótken baspasóz máslıhatynda.
Onyń aıtýynsha, sapar aıasynda Iran Islam Respýblıkasyna Qazaqstannyń saýda-ekonomıkalyq mısıasy uıymdastyrylady. Sonymen qatar birqatar vedomstvoaralyq memorandým men bıznes kelisimsharttarǵa qol qoıylmaq.