Jarysta 70 elden oıynshylar qatysty
Ol Nıderlandtyń Rotterdam port qalasynda polıseıler men órt sóndirýshilerdiń Dúnıejúzilik oıyndaryna qatysty, dep habarlaıdy Almaty-akshamy.kz BAQ.KZ-ke silteme jasap.
10 kún boıy qalada sporttyq jarystar ótip, oǵan 70 elden 10 myńnan astam qatysýshy, onyń ishinde Qazaqstan ókilderi de qatysty. Qatysýshylar sporttyń ártúrli túrlerinen, sonyń ishinde boks, krosfıt, jeńil atletıka boıynsha jarysty.
Bokstan 86 kelige deıingi salmaqta Sáken Qusaıynov ekinshi oryndy ıelendi. Elordalyq Polısıa departamentiniń 34 jastaǵy vzvod komandıri ishki ister organdarynda 2005 jyldan beri qyzmet etip keledi. Polıseı-sportshy 9 jastan bastap bokspen aınalysady. Bokstan halyqaralyq dárejedegi sport sheberi, birneshe ret QR chempıonattary men túrli halyqaralyq týrnırlerdiń jeńimpazy.
«Bul jeńisti men Qazaqstan polısıasynyń 30 jyldyq mereıtoıyna, sondaı-aq ata-anama, otbasyma jáne jaqyndaryma arnaımyn», – dedi Sáken.