Pákistanda tabıǵı apattan 1 033 adam qaza boldy.
Memleket basshysynyń tapsyrmasy boıynsha QR Úkimeti Pákistan Islam Respýblıkasyna adam ólimine ákep soqqan nóser jańbyr men sý tasqyny saldaryn joıý úshin 400 myń dollar mólsherinde gýmanıtarlyq kómek kórsetedi, dep habarlaıdy Almaty-akshamy.kz Elorda.info -ǵa silteme jasap.
Bul másele Premer-Mınıstrdiń birinshi orynbasary Roman Sklárdyń tóraǵalyǵymen ótken gýmanıtarlyq kómek kórsetý jónindegi komısıanyń otyrysynda qaraldy.
Resmı málimetter boıynsha, Pákistanda tabıǵı apattan 1 033 adam qaza boldy, onyń ishinde 343 bala, sondaı-aq turǵyn úıler men ınfraqurylym qırady. Shamamen 35 mln adam baspanasyz jáne azyq-túliksiz qaldy.
27 tamyzda Pákistan Premer-Mınıstri Sh. Sharıf halyqaralyq qaýymdastyqtan kómek surady.
28 tamyzda QR Prezıdenti Qasym-Jomart Toqaev Pákistan Prezıdentine sý tasqyny saldarynan adamdardyń qaza bolýyna baılanysty kóńil aıtty.