Qazaqstandyq mamandar Ortalyq Azıa elderinen kelgen memlekettik qyzmetkerlerge Elektrondyq úkimetti úıretti.
Elimizdegi halyqaralyq damý agenttigi "Dostyq – Sıfrlandyrý" baǵdarlamasyn uıymdastyrǵan. Dáris saǵattarynda Qyrǵyzstan men Tájikstan, Ózbekstan men Túrikmenstannan kelgen tyńdaýshylar “EGOV” portalynyń tájirıbesin zertteıdi, dep habarlaıdy Almaty-akshamy.kz.
Memlekettik qyzmet túrlerin ońtaılandyryp, zamanaýı tehnologıalardy tıimdi paıdalanýǵa baǵyttalǵan semınar 5 kúnge jalǵasady. Oqytýshylar qataryndaǵy otandyq mamandardan bólek Sıngapýr memlekettik qyzmet kolejiniń profesory da tájirıbesimen bólisedi.
«Tájikstan Respýblıkasynda qazir Elektrondy Úkimet baǵdarlamasyn engizý jumystary óte belsendi. Eki jyl ishinde Sıfrlyq basqarý júıesine tolyqtaı kóshý týraly Prezıdenttiń jarlyǵy bar. Sondyqtan men birinshi kezekte elektrondyq úkimet qyzmetiniń qyr-syryn úıretýdi ótindim», - semınarǵa qatysýshy (Dýshanbe) Bahrom Mansýrov.