«Hamkorlik-2021» oqý-jattyǵýy Ózbekstannyń ońtústiginde ornalasqan «Termez» óńirlik polıgonynda ótedi.
Bıyl 17-24 qarasha aralyǵynda Qazaqstan men Ózbekstan elderiniń birlesken oqý-jattyǵýy ótpek, dep habarlaıdy Almaty-akshamy.kz
Birlesken manevrlerdiń maqsaty birlesken tapsyrmalardy sheshýde baýyrlas eki eldiń ózara is-qımyly men úılesimdilik deńgeıin arttyrý bolyp tabylady.
Elimizden oqý-jattyǵýǵa 100-den asa áskerı qyzmetshi qatysyp, Sý-30SM kópfýnksıonaldy joıǵyshtar býyny, S-295 áskerı-kóliktik ushaqtar, taktıkalyq ushqyshsyz ushý apparattary jumyldyrylady. Qazaqstan bólimsheleri oryndaıtyn oqý-jaýyngerlik tapsyrmalarynyń qataryna izdeý-barlaý operasıalaryn júrgizý, qarsylastyń tájirıbeli jasaqtaryn joıý kezinde jaýyngerlik qorǵaý bólimsheleriniń is-qımyldaryn pysyqtaý, shabýyl jasap zańsyz qarýlanǵan quralymdardy joıý, urys alańynan jaralylar men isten shyqqan tehnıkany kóshirý kiredi.