Qazaqstan tarıhynda tuńǵysh ret olımpıadalyq quramanyń formasy qazaqsha  "QAZAQSTAN" degen ataýmen shyǵady, dep habarlaıdy Almaty-akshamy.kz  Olympic.kz silteme jasap.

Mańyzdy elementti halyqaralyq belgiden ulttyq belgige ózgertý úshin Halyqaralyq Olımpıada komıtetinen arnaıy ruqsat alyndy. Bul rette Qazaqstan HOK-tyń úsh áriptik kodtarynyń tiziminde KAZ belgisimen qala beredi. Óıtkeni abrevıatýra halyqaralyq standartqa sáıkes paıdalanylady.

Qazaqstan UOK ana tilinde daıyndalǵan olımpıadalyq kıim-keshektiń mańyzdy elementteriniń biri atletterge senimdilik berip, olar úshin otandastardy qoldaýdyń sımvolyna aınalatynyna senedi.

"Olımpıada oıyndary - eń aldymen úzdik atletter óz baıraǵymen shyǵatyn dostyq pen beıbitshiliktiń úlken festıvali. Bul tek sportshylar úshin ǵana emes, óz komandalaryn qoldaıtyn barlyq jankúıer úshin mańyzdy oqıǵa. Olımpıada kezindegi kez – kelgen jabdyqqa basty nazar aýdarylady. Sondyqtan el ataýynyń "QAZAQSTAN" dep jazylýy - ulttyq quramany jáne búkil eldi álemdik qaýymdastyq aldynda óte mańyzdy qadam bolyp sanalady. Qazaq mádenıetiniń ulttyq elementteri forma dızaınynda halyqtyń salt-dástúrleri men ózindik ereksheligin erekshe atap ótý úshin árqashan da mańyzdy ról oınaıtyn. Bizdiń sheteldik áriptesterimiz jańa jazýǵa joǵary baǵa berdi. Bizdiń atletterge de formanyń jańa elementi unaıtynyna senimdimiz. Olımpıadashylar - Qazaqstannyń sheteldegi mańyzdy elshileri. Sondyqtan bizdiń otandastarymyz bizdiń komandamyzǵa - óz komandasyna qoldaý kórsetedi dep úmittenemiz", - dep atap ótti elimizdiń Ulttyq Olımpıadalyq komıtetinde.

Beıjińdegi qysqy Olımpıada oıyndaryna sportshylar jańartylǵan formada attanady. Kóp uzamaı barsha qazaqstandyq jańa formamen tanys bolady.