Qazaqstan Respýblıkasynyń Aýyl sharýashylyǵy mınıstrliginiń Veterınarıalyq baqylaý jáne qadaǵalaý komıteti tóraǵasynyń m.a. Samat Tólegenov Mońǵolıa Veterınarıa bas basqarmasynyń ókilderi Batsýh Basaan jáne Delgermaa Basaanmen kezdesti.
Kezdesý barysynda veterınarıa salasyndaǵy ekijaqty yntymaqtastyqtyń negizgi máseleleri, sonyń ishinde Qazaqstannan Mońǵolıaǵa asyl tuqymdy qoılardy eksportataý máselesi talqylandy, dep habarlaıdy aqshamnews.kz.
Osy jyldyń tamyz aıynda eki eldiń vedomstvolary eksportalatyn taýarlyq jáne asyl tuqymdy qoılar men eshkilerge arnalǵan veterınarıalyq sertıfıkaty kelisken bolatyn.
Qyrkúıek aıynyń basynda Mońǵolıa ókilderi Túrkistan oblysynyń sharýashylyqtaryna
veterınarıalyq-sanıtarıalyq talaptarǵa sáıkestigi boıynsha tekseris jáne
táýekelderdi baǵalaý júrgizdi.
Veterınarıalyq qyzmettiń qurylymy men elde júrgizilip jatqan veterınarıalyq-profılaktıkalyq is-sharalar oń baǵalandy.
Sondaı-aq, taraptar Veterınarlyq baqylaý jáne baǵalaý komıteti men Mońǵolıanyń Bas veterınarıa basqarmasy arasynda ózara yntymastyq týraly jańa memorandým jobasyn talqylap, veterınarıalyq mamandar men ulttyq veterınarıalyq zerthanalar qyzmetkerleri arasynda tájirıbe almasýǵa kelisti.