Kezekten tys prezıdent saılaýynda óz ýchaskesindegi alǵashqylardyń biri bolyp Qorǵanys mınıstri Rýslan Jaqsylyqov daýys berdi, dep habarlaıdy Almaty-akshamy.kz QazAqparatqa silteme jasap.
Óz tańdaýyn jasaǵannan keıin mınıstr el boıynsha Qarýly Kúshterge qatysy bar 130 myńǵa jýyq adam daýys berip jatqanyn atap ótti.
«Qazirgi tańda áskerı bólimder men mekemeler aýmaǵyndaǵy 20 saılaý ýchaskesinde merzimdi qyzmettegi sarbazdar men kýrsanttar daýys berip jatyr. Qarýly kúshterden barlyǵy 130 myńǵa jýyq áskerı qyzmetshi, azamattyq personal jáne olardyń otbasy músheleri daýys berýge qatysýda», – dedi Rýslan Jaqsylyqov.
Al QR Premer-Mınıstriniń orynbasary – Syrtqy ister mınıstri Muhtar Tileýberdi men Ádilet mınıstri Qanat Mýsın №66 mektep-lıseıde ornalasqan saılaý ýchaskesinde daýys berdi.
Aqparat jáne qoǵamdyq damý mınıstri Darhan Qydyráli ózi tirkelgen saılaý ýchaskesine daýys berýshiler kóp kelip jatqanyn jazdy.
«Azamattyq parymyzdy ótep, tańdaýymyzdy jasadyq. Biz tirkelgen saılaý ýchaskesine daýys berý úshin kelip jatqandar kóp. Elimizge qaıyrly bolsyn», - dep jazdy ol Facebook-tegi paraqshasynda.
Ǵylym jáne joǵary bilim mınıstri Saıasat Nurbek daýys berýge jubaıymen birge barǵanyn jazdy.
«Búgin el qatarly saılaý ýchaskesine baryp, jubaıym ekeýmiz daýys berdik. El erteńi úshin óz tańdaýymyzdy jasadyq. Sebebi saılaýda árkimniń daýysy mańyzdy dep esepteımin. Týǵan elimiz - Qazaqstanymyzdyń ishki máselelerin syrttan eshkim sheshpeıtinin, memleketimizdi bizden basqa eshkim damyta almaıtynyn moıyndaıyq. Barlyǵy óz qolymyzda. Óz eliniń sanaly, kemel, belsendi azamaty bolý – naǵyz patrıotızmniń kórsetkishi. Bul úlken jaýapkershilik», - deıdi Saıasat Nurbek.
Aıta keteıik, Ortalyq saılaý komısıasynyń bergen málimetine súıensek, elimizde daýys berý quqyǵy bar 11 827 277 azamat tirkelgen. Olar respýblıka aýmaǵynda ornalasqan 10 101 saılaý ýchaskesinde daýys beredi. Al 53 shet memlekettegi 68 ýchaskede 12 527 Qazaqstan azamatyna daýys berý múmkindigi jasalǵan.
Elimizdegi 86 ýchaskede daýys berý ózge ýchaskelerden 1 saǵat buryn bastaldy.
Buǵan deıin OSK kezekten tys prezıdent saılaýynyń barysyn 641 halyqaralyq baıqaýshy qadaǵalaıtynyn málim etken edi.
Ortalyq saılaý komısıasy saǵat 10.05-ke deıin qansha qazaqstandyq daýys bergenin málim etti.
