Taýar aınalymy $51 mlrd-ty qurady.
Premer-Mınıstr Álıhan Smaıylov onlaın rejımde ótken Shanhaı Yntymaqtastyǵy uıymyna múshe memleketterdiń úkimet basshylary keńesiniń kezekti otyrysynda sóz sóıledi, dep habarlaıdy Almaty-akshamy.kz Úkimettiń baspasóz qyzmetine silteme jasap.
SHYU aıasyndaǵy kópjaqty ózara is-qımyl Qazaqstan Úkimeti jumysynyń basymdyqtarynyń biri bolyp qala beredi.
Pandemıa men basqa da syn-qaterlerge qaramastan, SHYU keńistiginde damýdyń aıtarlyqtaı joǵary dınamıkasy saqtalyp otyr. Máselen, ótken jyldyń qorytyndysy boıynsha uıymǵa múshe memleketterdiń ekonomıkalyq ósý qarqyny 4-ten 9%-ǵa deıin ulǵaıdy, al Qazaqstan men SHYU elderi arasyndaǵy jıyntyq taýar aınalymy 22%-ǵa ósip, $51 mlrd-ty qurady.
«Álıhan Smaıylov azyq-túlik qaýipsizdigin qamtamasyz etý boıynsha úılestirilgen sharalar qabyldaýdyń mańyzdylyǵyn atap ótti. «Qazaqstan óziniń aýyl sharýashylyǵy áleýetin paıdalana otyryp, bul iske úles qosýǵa daıyn. Munda mańyzdy qadam seleksıa jáne tuqym sharýashylyǵy salasyndaǵy yntymaqtastyq baǵdarlamasyn ázirleý bolady. Bul aýyl sharýashylyǵynyń damýyna serpin berip, memleketterimizdiń ǵylymı seleksıalyq ortalyqtaryn kooperasıalaýǵa jol ashady jáne azyq-túlik qaýipsizdigin qamtamasyz etýge oń áser etedi», - dedi Álıhan Smaıylov.
Sonymen qatar Premer-Mınıstr kúsh-jigerdi biriktirip, perspektıvasy bar kólik-tranzıt dálizderin damytýǵa shaqyrdy.
«Aqtaý portynyń» Úndistan – Parsy shyǵanaǵy elderi – Iran – Qazaqstan – Reseı» baǵytyndaǵy torapqa aınalýǵa áleýeti zor. Qazirgi jaǵdaıda Transkaspıı kólik dáliziniń Eýropa, Ortalyq Azıa jáne Qytaı arasyndaǵy tranzıttik aǵyndardy qamtamasyz etýdegi róli de artyp keledi. Osy baǵyttyń múmkindikterin birlesip iske asyrý júkterdiń turaqty kóleminiń bolýy men úzdiksiz tasymal kólemin qamtamasyz etedi», - dedi ol.