Forýmǵa memleket basshylary Astanadan beınebaılanys arqyly qatysady.
Jıyn qatysýshylary klımattyń ózgerýi aýyl sharýashylyǵyna qalaı áser etetinin talqylaıdy, dep habarlaıdy Almaty-akshamy.kz
Qazaqstan men Reseıdiń XIX óńiraralyq "Aýyl sharýashylyǵy – qýatty ekonomıkanyń negizi" yntymaqtastyq forýmy jumysyn bastady.
"Shekara mańy yntymaqtastyǵy forýmynyń aýylsharýashylyq týraly taqyryby kezdeısoq tańdalǵan joq, óıtkeni eki eldiń ekonomıkasynda agrarlyq sala mańyzdy oryn alady. Forým barysynda talqylanatyn máselelerdiń biri, árıne, aýyl sharýashylyǵy salasyna qatty áser etetin klımattaǵy ózgerister máselesi. Qostanaı oblysynyń aýmaǵynda sońǵy eki jyl qurǵaqshylyq boldy jáne bul ekonomıkanyń osyy sektorynyń damýyna qatty áser etti", - dedi Qostanaı oblysynyń ákimi Qumar Aqsaqalov.
Forým jumysyna 500-den astam adam, atap aıtqanda, Reseı Federasıasynyń 12 oblysy jáne Qazaqstannyń 8 oblysynyń ókilderi qatysady.
"Qostanaı oblysy elimizdegi eń iri agrarlyq óńirlerdiń biri bolǵandyqtan forým ótkizý orny retinde tańdaldy", - deıdi Qazaqstan aýyl sharýashylyǵy mınıstrliginiń basshysy Aıdarbek Saparov.
Prezıdentter Qasym-Jomart Toqaev pen Vladımır Pýtın XIX óńiraralyq yntymaqtastyq forýmynyń plenarlyq otyrysyna qatysady.
Forým Qostanaıda ótip jatyr, oǵan memleket basshylary Astanadan beınebaılanys arqyly qatysady. Oflaın plenarlyq otyrysqa Respýblıka premer-mınıstriniń orynbasary Serik Jumanǵarın men Reseı Federasıasy úkimeti tóraǵasynyń orynbasary Sergeı Overchýk qatysady. Sondaı-aq Qazaqstan-Reseı İskerlik keńesiniń otyrysy jáne plenarlyq sesıalar ótedi.
Sesıa taqyryptary:
Qazirgi jaǵdaıda azyq-túlik qaýipsizdigin qamtamasyz etý;
Agroónerkásip keshenindegi sıfrlyq tehnologıalar;
Jastar jáne aýyl sharýashylyǵy: bilim berýdegi jańa trendter.
Forým qorytyndysy boıynsha kelisimderdiń senimdi paketine qol qoıylady dep josparlanǵan.