Mamandar eki el arasyndaǵy saýda jáne ekonomıkalyq baılanystar ósiminiń oń serpinin atap ótti.
Qazaqstan Respýblıkasynyń Reseı Federasıasyndaǵy Saýda ókildiginiń qatysýymen 2022 jylǵy 29 naýryzda «Reseı - Qazaqstan. Shekara mańy óńirleriniń ózara is-qımyl perspektıvalary» onlaın-konferensıa ótkizildi, dep habarlaıdy Almaty-akshamy.kz.
«İs-sharany áriptestik bıznes baılanystardy ornatý alańy – «Astana» dıplomatıalyq klýby uıymdastyrdy. Onlaın-konferensıaǵa isker toptar men memlekettik uıymdardyń 50-den astam ókilderi qatysty», - delingen Saýda jáne ıntergrasıa mınıstrliginiń baspasóz qyzmetiniń habarlamasynda.
Qazaqstan Respýblıkasyndaǵy Reseı Federasıasynyń Saýda ókili Andreı Vladımırovıch Babko quttyqtaý sóz sóıledi, ol Reseı men Qazaqstan arasyndaǵy saýda jáne ekonomıkalyq baılanystar ósiminiń oń serpinin atap ótti.
Konferensıaǵa qatysýshylardy Qazaqstan Respýblıkasynyń Reseı Federasıasyndaǵy Saýda ókiliniń orynbasary Nurjan Qaıyrjanuly Sadyqov quttyqtady, ol logıstıkalyq tizbekterdi qaıta qurý jaǵdaıynda shekara mańyndaǵy óńirlerdiń tranzıttik áleýetin paıdalaný qajettiligin atap ótti, sondaı-aq Batys Qazaqstan oblysynyń ónerkásiptik áleýetine, onyń ishinde qurylyp jatqan «Eýrazıa» saýda-ónerkásiptik habynyń alańyna nazar aýdardy.
Samara jáne Batys Qazaqstan oblystary arasyndaǵy taýar aınalymynyń oń serpinin (2021 jyldyń qorytyndysy boıynsha 27% ósim nemese 500 mln.dollardan sál artyq) eskere otyryp, iske asyrylmaǵan tranzıttik-logıstıkalyq áleýet, sondaı-aq tamaq salasyndaǵy, munaı-gaz hımıasy men qurylys oblystaryndaǵy saýda-ónerkásiptik baılanystardyń ózara ósý núkteleri bar.
«Qazaqstan Respýblıkasynyń Úkimeti transshekaralyq habtardy damytýdyń biryńǵaı strategıasyn qabyldaý týraly jarıalady, onyń sheńberinde Qazaqstanda transshekaralyq saýdanyń 5 ortalyǵy qurylady jáne jańǵyrtylady. Qazaqstan men Reseıdiń batys shekarasynda iri óńirlik naryqtarǵa tikeleı jaqyn ornalasqan saýda-ónerkásip ortalyǵyn qurý josparlanýda», - delingen Saýda jáne ıntergrasıa mınıstrliginiń baspasóz qyzmetiniń habarlamasynda.
Konferensıa qorytyndysy boıynsha, qatysýshylar bıylǵy jyly Batys Qazaqstan jáne Samara oblystary kompanıalary arasynda V2V kezdesýlerin uıymdastyrý týraly ýaǵdalastyqqa qol jetkizdi.