Olar birlesken is-sharalar josparyn maquldady.
Qazaqstan men Reseı mamandary arnaıy kezdesip, shegirtke zıankesteriniń taralýyna jol bermeý jóninde jospardy talqylady, dep habarlaıdy Almaty-akshamy.kz.
«Qazaqstan Respýblıkasy jáne Reseı Federasıasynyń Aýyl sharýashylyǵy mınıstrlikteriniń ósimdikterdi qorǵaý qyzmeti mamandarynyń qatysýymen eki jaqty kelisimi sheńberinde shegirtke zıankesterine qarsy qorǵaý is-sharalaryn ótkizý máseleleri jónindegi halyqaralyq keńesi ótti», - delingen ASHM baspasóz qyzmetiniń habarlamasynda.
İs-shara barysynda memleketter aýmaǵynda shegirtke zıankesterine qarsy qorǵaý sharalaryn uıymdastyrý, sondaı-aq olardyń shektes aýmaqtarǵa kóshýine jol bermeý maqsatynda ózara is-qımyl jasaý máseleleri talqylandy.
Kezdesý qorytyndysy boıynsha, 2022 jyly Qazaqstan men Reseıdiń shekaralas aımaqtarynda shegirtke zıankesteriniń taralýyna jol bermeý jónindegi birlesken is-sharalar jospary maquldandy.
Sondaı-aq, taraptar eki memlekettiń shekara mańy aýmaqtaryna shegirtke zıankesteriniń taralý oshaqtaryn anyqtaý jáne olardyń kóshýine jol bermeý maqsatynda birlesken zertteýler júrgizý týraly kelisimge keldi.