Áleýmettik medısınalyq saqtandyrý qory arqyly shetelde emdelýge bolady

Áleýmettik medısınalyq saqtandyrý qory arqyly shetelde emdelýge bolady Sýret: Kapital.kz.

Mamandar shetelge jiberilgen naýqastyń jaǵdaıyn jiti baqylaýda ustaıdy.


«Qazaqstan halqyna» qorynyń qurylýy Áleýmettik medısınalyq saqtandyrý qorynyń jumysy men qarjylyq jaǵdaıyn jeńildetken joq. Qordyń medısınalyq kómek sapasyn monıtorıńteý departamentiniń dırektory Lázzat Shomanova BAQ ókilderiniń saýalyna osylaı jaýap berdi, dep habarlaıdy Almaty-akshamy.kz QazAqparatqa silteme jasap.  



«Qazaqstan halqyna» qorynyń qurylýy bizdiń qarjylyq júktememizge áser etken joq. Ol qordyń maqsaty basqa. Bizde naýqastarǵa kórsetiletin kómekke jumsalatyn qarjynyń bári josparlanǵan. Onyń ústine bizde «Shetelde emdeý sharalaryn uıymdastyrý jónindegi jumys organy» deıtin arnaıy organ bar. Sol uıymdastyrýshy organ arqyly bizdiń elde kórsetilýi múmkin emes medısınalyq kómekti naýqastardyń shetelde alýyna jaǵdaı jasaımyz. Arnaıy komısıa bar. Ol komısıany QR Densaýlyq saqtaý vıse-mınıstri basqarady. Sol komısıa maquldasa, emdeýge jiberemiz. Iaǵnı, «Qazaqstan halqyna» qoryna qatysy joq osyndaı kómek túri bar», - dedi ol Ortalyq komýnıkasıalar qyzmetinde.



Mamannyń aıtýyna qaraǵanda, qordyń sarapshylary shetelge jiberilgen naýqastyń jaǵdaıyn jiti baqylaýda ustaıdy.



«Shetelde emdelýge jibergen kezde 100 paıyz aqysyn aýdara salmaımyz. Basynda 70 paıyzyn aýdarsaq, naýqas elge qaıtar kezde sarapshylar sheteldik áriptesteriniń qorytyndysyn qaraıdy. Sol qorytyndy boıynsha tolyq em júrgizilgenine kóz jetkizip qana sheteldik uıymǵa qalǵan aqshany aýdaramyz. Bul kómekke syrqatyn bizde emdeýge kelmeıtin, joǵary biliktilikti qajet etetin naýqastar jiberiledi. Kóbinese tinder men aǵazalardyń donoryn qajet etetin naýqastar jiberiledi. Óıtkeni bizdiń mentalıtet marqumdardyń aǵzasyn donorlyqqa berýdi áli durys túsine bermeıdi. Radıasıalyq emdeý degen bar. Ol boıynsha Belarýs eline jiberemiz, mysaly. Bul kómek, ásirese, balalarǵa baǵyttalǵanyn aıtý kerek», - dedi Lázzat Shomanova.



Aıta keteıik, 13 sáýirdegi málimet boıynsha, "Qazaqstan halqyna" qoryna 126 mlrd teńge túsken.

Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

20:59

18:23

17:48

17:14

17:02

16:35

15:30

15:15

14:07

13:49

13:04

12:50

11:33

10:42

10:19

09:30

17:38

15:36

14:50

13:34

11:37

10:20

09:38

18:31

17:58