Bul aýqymdy sharaǵa 500 otandyq kásipker qatysqan, al bizdiń el alǵash ret seriktes mártebesin aldy.
Qazaqstan men Reseı kompanıalary Ekaterınbýrg qalasynda ótken «Innoprom» halyqaralyq ónerkásiptik kórmesinde 27 kelisimshartqa qol qoıdy, dep habarlaıdy Almaty-akshamy.kz.
Qujattar ónerkásip salasyndaǵy yntymaqtastyqty jańa deńgeıge kóterý, tájirıbe almasý jáne jańa jobalardy júzege asyrýǵa baǵyttalǵan. Seriktestik 50 mıllıon dollarǵa baǵalanyp otyr.
«Qazaqstan Respýblıkasynyń Indýstrıa jáne ınfraqurylymdyq damý mınıstrligi jáne Reseı Federasıasynyń ónerkásip jáne saýda mınıstrliginiń arasynda jol kartasyna qol qoıylyp otyr, ol jol kartasy ónerkásip salasyndaǵy kooperasıany nyǵaıtýǵa baǵyttalǵan. Osy jol kartanyń sheńberinde úsh jańa joba iske asyrylatyn bolady. Olardyń jalpy somasy 6,3 mlrd dollar quraıdy», - deıdi QR Indýstrıa jáne ınfraqurylymdyq damý vıse-mınıstri Marat Qarabaev.