Premer-mınıstrdiń birinshi orynbasary Roman Sklár men «Gazprom» kompanıasy basqarmasynyń tóraǵasy Alekseı Mıller jumys kezdesýin ótkizdi, dep habarlaıdy aqshamnews.kz
Taraptar gaz salasyndaǵy áriptestikti damytý múmkindikterin talqylaǵan.
«Gazprom» kompanıasy baspasóz qyzmetiniń habarlaýynsha, kezdesý barysynda Reseı men Qazaqstandy baılanystyratyn jańa magıstraldy gaz qubyryn salý jobasyn iske asyrý týraly memorandýmǵa qol qoıyldy.
Budan bólek Qazaqstan gazyn Reseıde uzaq merzimdi óńdeý boıynsha negizgi sharttar týraly kelisimge de qol qoıylǵan.
«Bul qujat Qarashyǵanaq ken ornyndaǵy gazdy Orynbor gaz óńdeý zaýytynda óńdeýge baılanysty eki el arasyndaǵy yntymaqtastyqty bekitedi. Zaýyt jańǵyrtýdan ótedi», - delingen habarlamada.