Sondaı-aq eki eldiń aýmaǵynda mádenı ortalyqtar ashý máselesi talqylandy
Bul týraly QHR-daǵy QR elshisi Shahrat Nuryshev málimdedi, ol aspan asty eli basshysynyń respýblıkamyzǵa jasaǵan saparynyń tarıhı mańyzdylyǵyna baǵa berdi, dep habarlaıdy Almaty-akshamy.kz Zakon.kz-ǵa silteme jasap.
«Bul – QHR tóraǵasynyń Qasym-Jomart Toqaevtyń Prezıdent bolyp saılanǵannan keıingi alǵashqy sapary. Bul – QKP-nyń XX Búkilqytaılyq sezi jáne QR-daǵy kezekten tys prezıdenttik saılaý qarsańynda ótken sapar. Aldaǵy saparǵa da aıryqsha nazar aýdarylyp otyr. Kezdesýde elder arasyndaǵy 30 jyldyq qarym-qatynastyń qorytyndysy shyǵarylyp, jańa kezeńdegi damý baǵyttary aıqyndaldy», - dep aıtty Shahrat Nuryshev.
Sonymen qatar, qazaqstandyq dıplomat elimizdiń tranzıttik-kóliktik baǵyttaryn odan ári ártaraptandyrýǵa jáne ıntegrasıalanǵan logıstıkalyq sheshimderdi engizýge, onyń ishinde Qazaqstan arqyly jańa temirjol dálizderin ashýǵa múddeliligin bildirdi.
«Atap aıtqanda, biz Qazaqstan-Qytaı shekarasynda úshinshi temir jol ótkelin ashý máselesin belsendi talqylaýdamyz. Biz ony Qytaı men Eýropa arasyndaǵy júkterdiń jyldam qozǵalysyna yqpal etedi dep sanaımyz», - dedi Shahrat Nuryshev.
Sondaı-aq eki eldiń aýmaǵynda mádenı ortalyqtar ashý máselesi talqylandy. Elshi onyń ekijaqty dostyqty nyǵaıtý úshin gýmanıtarlyq turǵydan mańyzdy ekenin atap ótti.