Qazaqstannyń 1100-den astam kásiporny óz ónimderin Qytaıǵa eksporttaýǵa quqyly
Qazaqstan men Qytaıdyń taýar aınalymy 2022 jyldyń toǵyz aıynda 22,5%-ǵa ósip, 23,2 mlrd dollarǵa jetti. Bul týraly juma kúni ekijaqty qatynastarǵa arnalǵan brıfıń barysynda QHR-daǵy QR Elshisi Shahrat Nuryshev málim etti, dep habarlaıdy Almaty-akshamy.kz QazAqparatqa silteme jasap.
Sh. Nuryshev osy jyldyń qańtar-qyrkúıek aılary aralyǵynda taýar aınalymy 22,5%-ǵa artyp, 23,2 mlrd dollardy quraǵanyn atap ótti.
QHR-daǵy QR Elshisiniń aıtýynsha, aýyl sharýashylyǵy salasyndaǵy yntymaqtastyq belsendi kezeńde tur.
«Agroónerkásip kesheni ónimderiniń saýda kólemi senimdi túrde ósýde. Qazaqstannyń 1100-den astam kásiporny óz ónimderin Qytaıǵa eksporttaýǵa quqyly», - dedi ol.
2015 jyldan bastap QR Aýyl sharýashylyǵy ónimderiniń 20 túrin Qytaı naryǵyna shyǵyrý úshin fıtosanıtarıalyq talaptar boıynsha hattamalarǵa qol qoıyldy.
2022 jylǵy 3 qańtarda QR men QHR arasyndaǵy dıplomatıalyq qatynastardyń ornaǵanyna 30 jyl toldy.