Qazaqstan men Ózbekstandy baılanystyratyn jańa temirjol jelisi 2027 jyly paıdalanýǵa berilmek, dep habarlaıdy aqshamnews.kz Kazinformge sálteme jasap.
«Qazaqstan temir joly» kompanıasynyń baspasóz qyzmetinen málim etkendeı, jańa temirjol jelisin iske qosý «Saryaǵash» stansıasynyń júktemesin azaıtýǵa jáne Ózbekstanǵa eksport kólemin arttyrýǵa múmkindik beredi.
— Bul maqsatta «Qazaqstan temir joly» 286 mlrd teńgege ınvestısıalyq jobany júzege asyryp jatyr. Darbaza-Maqtaaral jańa jelisi Túrkistan oblysynyń eki shalǵaı aýdanyn, atap aıtqanda Maqtaaral men Jetisaıdy Qazaqstannyń basqa aımaqtarymen baılanystyrýǵa múmkindik beredi. Búgingi tańda 203 shaqyrym joldyń shamamen 100 shaqyrymyna rels-shpaldy tor tóseldi, — delingen «QTJ» kompanıasy taratqan habarlamada.
Jobaǵa 46 tehnıka men 70-ten astam adam jumyldyrylǵan. Kompanıadan atap ótkendeı, qurylys kezeńinde 3 400 ýaqytsha jumys orny qurylady. Al jeli qoldanysqa beriletin 2027 jyly 500-den astam turǵyn turaqty jumyspen qamtylady.