Elimizdiń týrızm jáne sport mınıstrligi men Ózbekstannyń týrızm komıteti osy maqsatta arnaıy «Jol kartasyn» jasady.
Maqsat - Túrki memleketteri arasyndaǵy tyǵyz dostyq qarym-qatynasty nyǵaıtý men týrıser aǵynyn ulǵaıtý. Qujatqa saı, eki memleket arasynda saıahatshylar qataryn arttyrýǵa baǵyttalǵan baǵdarlama ázirlenedi, dep habarlaıdy Almaty-akshamy.kz.
Týrısik kompanıalardyń ózara aqparat almasýyn jolǵa qoıý, birlesken jobalardy iske asyrý josparlanǵan. Zıarat týrızmin damytý maqsatynda shekaradaǵy ótkizý beketterinde kelýshiler úshin qolaıly jaǵdaı jasaý kózdelgen. Qazaqstan men Ózbekstan arasynda avtobýs reısteriniń sanyn ulǵaıtý da josparda bar.
«Buqara óńirinde jeti pir bar, osy ǵulamalardyń ómiri jaıly kitaptar birneshe tilge aýdaryldy, onyń ishinde qazaq tilinde de jaryq kórgen. Kıeli mekendi aralap, kózben kórýge qazaqstandyqtardyń qyzyǵýshylyǵy erekshe. Baýyrlas eki eldiń zıarat týrızmin birlese damytýdy qolǵa alǵany asa quptarlyq is», - deıdi tarıhshy-ǵalym Komıljon Rahımov.