QR Týrızm jáne sport mınıstriniń orynbasary Erjan Erkinbaev Air Asia H áýe kompanıasynyń bas dırektory Benámın bın Ismaıl jáne kompanıa ókilderimen kezdesý ótkizdi.
Taraptar Qazaqstannyń týrısik áleýetin damytý perspektıvalaryn, jolaýshylar aǵynyn arttyrý josparlaryn jáne týrızmdi damytýǵa baǵyttalǵan birlesken jobalardy talqylady, dep habarlaıdy almaty-akshamy.kz.
«Tikeleı reıster saıahatshylar úshin qolaıly jaǵdaı jasap qana qoımaı, elimizdi sheteldik týrıserge qoljetimdi etedi. Sonymen qatar týrıser sanynyń artýyna, kelý týrızminiń geografıasyn keńeıtýge jáne týrısik bızneske jańa múmkindik jasaıdy», - dedi Erjan Erkinbaev.
Onyń aıtýynsha, tikeleı reısterdiń ashylýy – ázirge tek birinshi kezeń. Áýe reısteri eki el arasyndaǵy saýda-ekonomıkalyq baılanystardy damytýda sheshýshi ról atqarady. Olar iskerlik kelissózderdi jeńildetip, saýda men ınvestısıany yntalandyrady. Kýala-Lýmpýr men Almaty arasynda ashylatyn reıster aıasynda bıznes-týrızm aǵynynyń artýy kútilýde, bul tájirıbe men bilim almasýǵa yqpal etip, ınvestısıalaý múmkindikterin keńeıtedi. Óz kezeginde Air Asia ókilderi Kýala-Lýmpýr men Almaty arasynda 2024 jyldyń naýryzynan bastap aptasyna tórt reıs (seısenbi, beısenbi, senbi jáne jeksenbi) jıiligimen tikeleı turaqty jolaýshylar reısin iske qosýǵa nıetti ekenin jetkizdi. Áýe kompanıasy ókilderiniń aıtýynsha, bul qadam eki el arasyndaǵy týrısik, saýda-ekonomıkalyq jáne ınvestısıalyq yntymaqtastyq úshin jańa múmkindikter ashpaq.