Bitimgerlerdi daıarlaý, áskerı-dalalyq medısına jáne RHB qorǵaý salasyndaǵy ózara is-qımyl aspektileri de talqylandy
Qazaqstan Respýblıkasy Qarýly kúshteri Qurlyq áskerleriniń bas qolbasshysy general-maıor Talǵat Qoıbaqov pen Japonıanyń Ózin-ózi qorǵaý kúshteri Qurlyq áskerleri shtabynyń bastyǵy general Ioshıda Ioshıhıdı arasyndaǵy kelissózder beınekonferens baılanys túrinde ótti, dep habarlaıdy Almaty-akshamy.kz.
Taraptar bir-birin Qazaqstan men Japonıa arasyndaǵy dıplomatıalyq qatynastardyń ornaǵanyna 30 jyl tolýymen quttyqtap, áskerı yntymaqtastyqtyń qazirgi ahýaly men keleshekte damý máselesin talqylady.
General-maıor Talǵat Qoıbaqov pen general Ioshıda Ioshıhıdı áskerı bilim men ǵylym jelisi boıynsha yntymaqtastyqty damytýǵa qyzyǵýshylyq bildirdi. Kelissózder barysynda sondaı-aq, bitimgerlerdi daıarlaý, áskerı-dalalyq medısına jáne RHB qorǵaý salasyndaǵy ózara is-qımyl aspektileri de talqylandy.